Святые царственные страстотерпцы

17 июля совершается память святых царственных страстотерпец - Императора Николая II, Императрицы Александры и чад их: царевича Алексия, великих княжен Ольги, Татьяны, Марии и Анастасии.

Мне, как обычно, хочется отметить красоту и содержательность стихир, составленных этим святым. Служба им является относительно новой, ее полный текст представлен здесь.

Стихиры на «Господи воззвах» поются на мелодию двух замечательных подобнов, гласа 2го «Егда от древа» и гласа 6го «Все отложивше»:

Подобен «Егда от древа»:

Егда́ на ца́рство Росси́йское венча́шеся, пома́занниче Нико́лае,/ тогда́ усе́рдно моли́лся еси́:/ Влады́ко и Го́споди мой,/ наста́ви мя в де́ле, на не́же посла́л мя еси́,/ да бу́дет со мно́ю прему́дрость Твоя́,/ да разуме́ю, что есть уго́дно пред очи́ма Твои́ма,/ и в день Суда́ Твоего́ непосты́дно возда́м Тебе́ сло́во./ Те́мже не о сла́ве земно́й попече́ние име́л еси́,// но па́че о сла́ве Небе́сней.

Егда́ на святе́й Руси́/ тя́жкаго испыта́ния вре́мя наста́,/ тогда́ ты, страстоте́рпче святы́й Нико́лае,/ моли́лся еси́ о спасе́нии ея́,/ и се, яви́ся ико́на Засту́пницы держа́вныя,/ я́ко зна́мение прия́тия вла́сти/ на пречи́стеи ру́це Цари́цы и Влады́чицы./ Те́мже Росси́я, а́ще и вла́стию безбо́жных угнете́на бысть,// предста́тельством Де́вы Богоро́дицы и моли́твами твои́ми сохрани́ся.

Подобен «Все отложше»:

Все упова́ние на Бо́га возложи́вше,/ святи́и ца́рственнии страстоте́рпцы,/ о́браз терпе́ния и страда́ния/ всей земли́ Росси́йстей яви́стеся./ Вы бо, моля́щеся о мучи́телех,/ клевету́, у́зы и изгна́ние,/ глумле́ние, насмея́ние и оболга́ние,/ убие́ние и теле́се поруга́ние/ му́жественне претерпе́ли есте́.// Сего́ ра́ди вас при́сно прославля́ем.

Все благоче́стие твое́ во Христе́ бысть,/ свята́я му́ченице цари́це Алекса́ндро Росси́йская,/ прешла́ бо еси́ от Лю́теровы ве́ры к Правосла́вию,/ его́же восприя́ла еси́ всем се́рдцем твои́м,/ возлюби́вши моли́тву,/ храм Бо́жий и святы́х оте́ц уче́ния,/ и, я́ко ма́ти добронра́вная,/ во благоче́стии возрасти́ла еси́ ча́да твоя́,/ и та́я угото́вала еси́ в непоро́чную же́ртву за Христа́.// Сего́ ра́ди тя при́сно прославля́ем.

Плод благосла́вен/ моли́тв Саро́вскаго чудотво́рца/ и ча́емый насле́дник ца́рственных роди́телей быв,/ наде́жда, сла́ва и упова́ние Росси́и,/ в ра́дость лю́дем правосла́вным яви́лся еси́,/ святы́й царе́вичу Алекси́е./ Бо́жиим же промышле́нием/ мно́гия ско́рби и неду́ги/ измла́да безро́потно терпе́л еси́/ и, я́ко а́гнец непоро́чный,/ убие́ние от злочести́вых прия́л еси́,/ ны́не же лику́еши, я́ко насле́дник Ца́рствия Небе́снаго.// Сего́ ра́ди тя при́сно ублажа́ем.

Дще́ри царе́вы,/ святы́я му́ченицы де́вы,/ и́стинныя неве́сты Христо́вы/ О́льго, Татиа́но, Мари́е и Анастаси́е,/ вы, я́ко му́дрыя ева́нгельския де́вы,/ еле́й милосе́рдия/ в душа́х при́сно храня́щия,/ стра́ждущим, ни́щим и боля́щим/ усе́рдно послужи́ли есте́/ и, за гоня́щих вас/ да́же до сме́рти Го́спода моля́щия,/ в черто́зех Жениха́ Небе́снаго всели́лися есте́.// Сего́ ра́ди вас при́сно ублажа́ем.